Хуҷанд: Форуми байналмилалии «Наврӯз — иди занони ваҳдатсаро» баргузор гардид

Имрӯз, 1 апрел ба муносибати Ҷашни байналмилалии Наврӯз дар шаҳри Хуҷанд Форуми байналмилалии занон таҳти унвони «Наврӯз-иди занони ваҳдатсаро» доир шуд.

Дар форум намояндагон аз ҷумҳуриҳои Тоҷикистон, Узбекистон ва Қирғизистон иштирок доштанд.
Ҳадафи асосии форум, ин фароҳам овардани фазои идона ва таҳкими ваҳдати занон, нақши занон дар ҳифз ва нигаҳдошти анъанаҳои миллӣ ва мубодилаи таҷриба дар самти соҳибкории занон мебошад.

Дар назар аст, ки занони тоҷик, узбек ва қирғиз зимни ҷаласаҳои панелии форум масъалаҳои суннатҳои муштараки мардуми Осиёи Марказӣ, нақши ҷашни Наврӯз дар таҳкими равобити дӯстонаи давлатҳои Осиёи Марказӣ, инчунин саҳми занон дар таҳкими сулҳ ва рушди иқтисодии минтақаро баррасӣ намоянд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube