Ифтитоҳи иншооти таъиноти гуногун дар Бохтар

Дар доираи сафари кории сарвари давлат Эмомалӣ Раҳмон ба шаҳру ноҳияҳои вилояти Хатлон, дар шаҳри Бохтар ҳам чанд иншооти таъиноти гуногун ба истифода дода шуд. Дар ифтитоҳи иншооти мавриди назар, роҳбарияти вилояти Хатлон ва дигар масъулин иштирок карданд.

  8 ноябри соли равон, дар шаҳри Бохтар ҳашт иншоот, аз ҷумла кӯдакистон, коргоҳи истелсоли шифер, толори варзишӣ, маркази савдо ва хизматрасонӣ, бинои маъмурии Раёсати Кумитаи бехатарии озуқаворӣ ва маркази бозии кӯдакон ба истифода дода шуданд. Иншооти мавриди назар дар доираи истиқболи шоиста аз 35 солагии Истиқлолияти давлатии кишвар бунёд гардидаанд.

Ба иттилои расида, бинои Раёсати Кумитаи бехатарии озуқаворӣ дар вилояти Хатлон бо харҷи беш аз 5 миллиону 450 ҳазор сомонӣ сохта шудааст. Бино аз се ошёна иборат буда, дорои шароити хуб ва маркази ташхиси озуқаворӣ мебошад.

Дар ин рӯз, муассисаи томактабии хусусӣ барои қабули 100 кӯдак ифтитоҳ гардид, ки барои фарогирии бештари кӯдакон ба таълиму тарбия мусоидат хоҳад кард.

Ҳамчунин Маркази савдои «Некрӯз ва қолинҳои Душанбе» кушода шуд, ки ҳанӯз дар ин минтақаи кишвар камсобиқа аст. Маркази мавриди назар бо харҷи 2 миллиону 200 ҳазор сомонӣ бунёд шудааст ва 10 сокини маҳаллӣ бо кори доимӣ таъмин таъмин гардиданд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube