1 марг ва 34 ҳолати нав: нашри омори коронавирус дар Тоҷикистон
Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ дод, ки дар zr шабонарӯзи охир 34 шаҳрванди Ҷумҳурии Тоҷикистон аз коронавирус сироят ёфта, 18 нафар шифо ёфтанд ва 1 нафар фавтиданд.
Яъне тибқи иттилои Вазорати тандурустӣ дар мавҷи дуюми коронавирус дар Тоҷикистон 11 нафар вафот кардаанд.
Бояд гуфт, ки пас аз пайдо шудани сару садоҳо дар шабакаҳои иҷтимоӣ билохира рӯзи 21 июн Ситоди ҷумҳуриявӣ оид ба пурзӯр намудани чораҳои зиддиэпидемиявӣ ва пешгирӣ аз интиқолу паҳншавии бемории сироятии коронавирус дар Ҷумҳурии Тоҷикистон аз ҷой доштани ҳолатҳои сироятёбии шаҳрвандони мамлакат ба бемории коронавирус иттилоъ дод.
Дар маҷмӯъ, аз 30 апрели соли 2020 то 12 июли соли 2021 дар кишвар 13 868 нафар гирифторони сирояти коронавирус ба қайд гирифта шуда, аз ин шумора то санаи зикргардида 3553 нафар (97,7%) шифо ёфтаанд ва бар асари бемории мазкур 104 нафар фавтидаанд.
Вазорати тандурустӣ аз сокинони кишвар даъват ба амал меорад, ки дар ҷойҳои ҷамъиятӣ қоидаҳои пешгирикунандаи бемории коронавирусро қатъиян риоя намоянд.
Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube
Шарҳ