Навсозии сомона. Вақти тағйир додани ҳама чиз кай фаро расид?

«Дирӯз ман доно будам ва барои ҳамин мехостам ҷаҳонро тағйир диҳам. Имрӯз ман хирадманд шудам ва барои ҳамин худамро дигар мекунам”.

Ҷалолиддини РУМӢ

Сомона — ин корти тиҷоратии шумо дар Интернет аст. Барои бисёре аз ширкатҳо он як ҷузъи марказии ҳамкории муштариён аст ва метавонад ба таассуроти аввалини онҳо дар бораи шумо таъсир расонад. Бо вуҷуди ин, вақт дар як ҷо намеистад ва сомонаҳо низ мисли ҳама гуна ҳолатҳои технологӣ бо мурури замон куҳна мешаванд. Дар ин мақола мо дида мебароем, ки кай ва чаро шумо бояд сомонаи худро аз нав тарроҳӣ кунед.

Навсозии дизайн

Дизайн он чизест, ки нахуст ба мизоҷи сомона таассурот мебахшад. Агар сомонаи шумо куҳна намояд, ин метавонад ба дарку қабули бренди шумо таъсири манфӣ расонад. Навсозии дизайн баҳри эҷоди симои тоза ва муосир барои ширкати шумо кумак мерасонад, ки метавонад муштариёни эҳтимолии бештарро ҷалб намояд.

Мутобиқшавӣ ба талаботи нави системаҳои ҷустуҷӯӣ

Мавқеи сомона дар системаҳои ҷустуҷӯӣ омили калидии ҳузури муваффақи онлайнӣ аст. Агар бинед, ки сомонаи шумо дар натиҷаҳои ҷустуҷӯ поин меравад, ин метавонад аломати он бошад, ки талаботи системаи ҷустуҷӯӣ тағйир ёфтааст ва сомонаатон дигар ба онҳо ҷавобгӯ нест. Навсозии сомона ба шумо имкон медиҳад, ки ба талаботи нав мутобиқ шавед ва намоёниро дар натиҷаҳои ҷустуҷӯ афзоиш диҳед.

Навсозии платформаи технологӣ ва нармафзор

Технология бо суръати баланд рушд мекунад ва он чизе, ки чанд сол пеш замонавӣ буд, ҳоло куҳна шуда метавонад. Агар сомонаи шумо дар платформаи технологии куҳна кор кунад ё нармафзори куҳнаро истифода барад, ин метавонад ба фаъолият, амният ва вазифаҳояш таъсири манфӣ расонад. Навсозии сомона ба шумо имкон медиҳад, ки аз технологияҳои нав истифода баред ва кори онро беҳтар созед.

Бесамарии сомона дар ҳалли мушкилоти тиҷорат

Сомона бояд василае бошад, ки барои ноил шудан ба ҳадафҳои тиҷоратӣ мусоидат намояд. Агар бинед, ки сомонаи шумо кори худро иҷро намекунад ё муштариёни кофӣ ҷалб намесозад, ин метавонад аломати он бошад, ки навсозии дубора лозим аст. Ҳадафҳои сомонаи худро аз нав дида бароед ва тағйирот ворид намоед, то ба қонеъ сохтани эҳтиёҷоти тиҷоратӣ ҷавобгӯ бошад.

Поин шудани конверсия

Конверсия — ин фоизи истифодабарандагони сомона аст, ки амали мақсаднокро анҷом медиҳанд, ба монанди харидани маҳсулот ё пур кардани варақаи тамос. Агар бинед, ки суръати конверсия дар сомонаи шумо коҳиш меёбад, ин метавонад хати сурхе бошад, ки дар сохтору мундариҷаи сомонаи шумо мушкилот вуҷуд дорад. Навсозии сомона ба шумо имкон медиҳад, ки конверсияи онро беҳтар созед ва самаранокии фурӯши онлайниро афзоиш диҳед.

Хулосаҳо

Ҳамаи омилҳои дар боло зикршуда метавонанд сабаби навсозии сомона гарданд. Нагузоред, ки сомонаи шумо куҳна шавад ва бо мушкилоти ҷаҳони муосири онлайнӣ мубориза бурда натавонад. Фаъолияти манбаи интернетии худро бодиққат таҳлил кунед ва онро давра ба давра навсозӣ намоед, то як воситаи муассир барои ноил шудан ба ҳадафҳои тиҷоратиятон бошад!

Агар ягон суолатон боқӣ монда бошад, метавонед шахсан ба ман тавассути телеграмм нависед: @gkmatador

Муаллифи гӯша:

Максим ШУМСКИХ,

Директори генералии ширкати байналмилалии IT «Матадор»

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube