Рӯзнома зиёд, "Тоҷикистон" яктост!

20 июл Иди Қурбон, таҷлил карда мешавад

Дар ин бора як манбаъ аз Шӯрои уламои маркази исломии кишвар ба Sputnik Тоҷикистон иттилоъ дод.
Ба иттилои манбаъ, Иди Қурбон дар назар аст, имсол 20 июл, рӯзи сешанбе таҷлил шавад.

Манбаъ гуфт, дар бораи таҷлили рӯзи ид давоми ҳафта ҷаласаи навбатии Шӯрои уламои Маркази исломии Тоҷикистон доир мешавад ва расман санаи баргузории он эълон мешавад.

Ба иттилои манбаъ дар масоҷиди кишвар то кунун намози дастаҷамъона бо риоя қоидаҳои бехатарӣ доир мешавад, аммо дар мавриди намози Иди Қурбон то ҳол аз сӯи Ситоди ҷумҳуриявӣ оид ба мубориза ва пешгирӣ аз паҳншавии коронавирус тавсияҳое ворид нагаштааст.

Ёдовар мешавем, соли гузашта бинобар вазъи ногувори пандемия дар кишвар намози дастаҷамъонаи Иди Қурбон доир нагашт.
Моҳи майи соли ҷорӣ бошад намози Иди Рамазон бинобар беҳ шудани вазъ доир гашт, аммо мақомоти тоҷик баъди беш аз панҷ моҳ санаи 21 июн дигарбора аз хуруҷи коронавирус дар кишвар хабар доданд.

Иди Қурбон пас аз 70 рӯзи иди Рамазон ҷашн гирифта мешавад.
Ҷашни идҳои мазҳабии мусалмонон ҳамасола дар рӯзҳои гуногун аз моҳи июн то сентябр ҷашн гирифта мешавад.

Чунин тафовути калони ҷашнгириро бо он шарҳ медиҳанд, ки тақвими мусалмонӣ тақрибан 354 рӯзро ташкил медиҳад, ки аз соли офтобӣ 10 ё 11 рӯз камтар аст. Маҳз ҳамин номутобиқӣ боис мешавад, ки таҷлили ин идҳо ба вақтҳои гуногун рост ояд.

Акс, видео, хабарҳои ҷолибро фиристед: Viber, Whatsapp, IMO, Telegram +992 93-111-08-61


Шарҳ

Аввалин шуда шарҳи худро гузоред!

Leave a Reply

Ваш e-mail не будет опубликован.