Навалнаяро ҷарима карда озод намуданд

Суд дар Русия ҳамсари Алексей Навалний – Юлия Навалнаяро барои ширкат дар намоиши эътирозии иҷозатношуда ҷаримабадӣ кард. Навалная рӯзи 31-уми январ дар қатори даҳҳо нафари дигар дар раҳпаймоии эътирозӣ аз зиндонӣ шудани ҳамсараш иштирок кард. Суди Шербинскии шаҳри Маскав як рӯз баъди боздошти Навалная дар ҳукми худ аз 1-уми феврал гуфт, ки ин зан дар ҳаҷми 20 ҳазор рубл, муодили 265 доллар ҷаримабадӣ мешавад. Эътирози мардум 31-уми январ ба ҳукми ҳабси 30-рӯзаи ӯ рабт дорад. Дар шиорҳои мардум норизоӣ аз ҳукумати президент Владимир Путин ва фасоду паст будани сатҳи зиндагӣ садо дод.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube