Раиси Федератсияи варзиши сайёҳии Тоҷикистон интихоб шуд

Убайдулло Асрорзода, доктори илмҳои иқтисодӣ, профессор раиси Федератсияи варзиши сайёҳии Тоҷикистон интихоб гардид.

Номбурда дар ҷаласаи ҳисоботию интихоботии Федератсияи варзиши сайёҳии Тоҷикистон, ки 13 ноябри соли равон дар Кумитаи миллии олимпӣ баргузор шуд, ба ҷойи Бобомурод Мирзоев ба ин вазифа интихоб гардид.

Ҳоло Убайдулло Асрорзода вазифаи ректори Донишгоҳи байналмилалии сайёҳӣ ва соҳибкории Тоҷикистонро низ ба зимма дорад.

Гуфта мешавад, ки тайи солҳои охир ин муассисаи олӣ таҳти роҳбарии Асрорзода Убайдулло пеш рафт, биноҳои наву замонавӣ мавриди истифода қарор гирифта, чандин филиалу коллеҷҳо ва кафедраи ҳарбӣ низ таъсис ёфтанд.