Си Ҷинпин боз роҳбари Чин шуд
Кумитаи марказии Ҳизби коммунисти Чин президенти кунунии ин кишвар Си Ҷинпинро бори дигар раҳбари ин ҳизб интихоб кард. Вай ҳамчунин бори дигар раҳбари Комиссияи марказии низомӣ, баргузида шуд. Си Ҷинпин ҳамакнун барои панҷ соли дигар дар мақоми раиси ҷумҳури Чин, боқӣ мемонад.
Дар поёни Анҷумани 19-уми Ҳизби коммунисти Чин аъзои нави Бюрои сиёсии ин ҳизб эълон шуданд. Бюрои сиёсии Ҳизби коммунисти Чин аз ҳафт нафар иборат аст ва президент Си Ҷинпин ва нахуствазири он кишвар Ли Кэсян дар миёни онҳ мебошанд.
Анҷумани Ҳизби коммунист яке аз муҳимтарин рӯйдодҳои сиёсӣ дар Чин ба шумор меравад ва ҳар панҷ сол як бор баргузор мешавад. Си Ҷинпин соли 2012 раҳбари Ҳизби коммунисти Чин шуда буд ва як сол баъд ба курсии президентӣ нишаст.
Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube
Шарҳ