Соатҳои баршумор дар рақобати “Истиқлол” бо “Персеполис”

Имрӯз, 7-уми ноябр, дастаҳои футболи “Истиқлол”—и Душанбе ва “Персеполис”—и Теҳрон дар доираи бозиҳои даври чоруми марҳилаи гурӯҳии Лигаи қаҳрамонҳои Осиё бо ҳам рақобат мекунанд.

Бозӣ соати 19:00 дар варзишгоҳи марказии ҷумҳуриявӣ оғоз мегардад. Футболбозони «Истиқлол» бо пироҳани сурх ва меҳмонон бо пироҳани сафед ба майдон меоянд. Довари FIFA   Муҳаммад Ал-Алӣ аз Кувайт довари асосии бозӣ аст.

Дастаи «Истиқлол»-и шаҳри Душанбе дар даври сеюми марҳилаи гурӯҳии Лигаи қаҳрамонҳои Осиё   аз тими «Персеполис» дар Теҳрон бо ҳисоби 0:2 шикаст хӯрда буд.  

“Истиқлол” пас аз даври сеюм бо 1 мусовӣ ва ду мағлубият соҳиби 1 хол гардидааст

Ҳоло дар ҷадвали гурӯҳи “Е” дастаи “Ал-Наср”-и Арабистони Саудӣ бо 9 имтиёз дар мақоми аввал аст. “Персеполис” бо 6 имтиёз дар зинаи дуюм қарор дорад. “Ал-Дуҳайл”-и Қатар ва “Истиқлол” бо якимтиёзӣ мутаносибан дар зинаҳои сеюм ва чаҳорум маскан гирифтаанд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube