Рӯзнома зиёд, "Тоҷикистон" яктост!

4 медали чор паҳлавон

Тоҷикистон дар рӯзи аввали мусобиқа натавонист медали тилло ба даст орад

Бозиҳои кишварҳои ИДМ дар Қазон оғоз шуданд. Ҳарчанд қаблан хабар дода мешуд, ки Тоҷикистон аз ширкат дар мусобиқа даст мекашад, аммо зоҳиран вазъ дар лаҳзаи охирин тағйир ёфтааст ва варзишгарони тоҷик ба майдони набардҳои варзишӣ омадаанд.

Дар рӯзи аввали Бозиҳои кишварҳои ИДМ тоҷикон 4 медал ба даст оварданд.

Муҳаммад Икромов дар гуштии озод байни ҷавонон дар вазни то 61 кило медали нуқра ба даст овард.

Мустафо Аҳмадов дар гуштии озод байни ҷавонон низ дуввумин шуд, Ӯ медали нуқраро аз дар вазни то 70 кило ба даст оварж.

Фирӯз Мирзораҷабов низ, ба хазинаи дастовардҳои кишвар дар вазни то 60 кило медал ворид сохт.

Медали дигар, вале биринҷӣ дастоварди шоистаи Асламҷон Азизов мебошад, ки онро дар гуштии юнониву румӣ (то 55 кг) ба даст овардааст.

Ҳамин тариқ, Тоҷикистон бо чаҳор медал дар зинаи 6 -уми ҷадвали умумӣ, пеш аз Ӯзбакистон, Молдова ва Арманистон қарор дорад.

Акс, видео, хабарҳои ҷолибро фиристед: Viber, Whatsapp, IMO, Telegram +992 93-111-08-61


Шарҳ

Аввалин шуда шарҳи худро гузоред!

Leave a Reply

Ваш e-mail не будет опубликован.