Суғд: Дар се моҳ беш 240 тифлони то як сола фавтидаанд

Мақомоти додситонии вилояти Суғд аз марги беш аз 240 тифли то яксола дар се моҳи аввали имсол ҷиддан нигаронӣ карда ва ин вазъро “паёмади камбуд дар кори пизишкон” донистанд. Масъулони додситонӣ рӯзи 3 май гуфтанд, ки дар ин давра се зан низ ҳангоми ҳомиладорӣ ё таваллуд фавтидаанд.

Додситонии Суғд мегӯяд, дар тӯли як солу се моҳи охир алайҳи табибоне, ки корашон боис ба марги модар ё кӯдаки навзод шудааст, 9 парванда боз кардаанд. Онҳо мегӯянд, дар ин давра ҳашт парвандаи дигар барои гирифтани ришва ё тамаъҷӯии табибон боз шудааст.

Бино ба омори Созмони ҷаҳонии беҳдошт, дар Тоҷикистон аз ҳар 100 ҳазор модар дар сол 65 нафар ва аз ҳар 100 000 кӯдаки то 5-сола 43 тифл ба иллатҳои мухталиф вафот мекунанд. Ин сабаб ҳам зикр гаштааст, ки барои фавти занон ҳангоми таваллуд ва беморони дигар бар асари хатои пизишкон тақрибан касе ҷазо намегирад ва биноан вазъ ҳам дар ин ришта тағйир намекунад.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube