Боз 2 фавт: вазорат омори нави коронавирусро нашр кард

Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ дод, ки дар як шабонарӯзи охир 26 шаҳрванди Ҷумҳурии Тоҷикистон аз коронавирус сироят ёфта, 17 нафар шифо ёфтан ва 2 нафар фавтидаанд.

Яъне тибқи иттилои Вазорати тандурустӣ дар мавҷи дуюми коронавирус дар Тоҷикистон 5 нафар вафот кардаанд.

Бояд гуфт, ки пас аз пайдо шудани сару садоҳо дар шабакаҳои иҷтимоӣ билохира рӯзи 21 июн Ситоди ҷумҳуриявӣ оид ба пурзӯр намудани чораҳои зиддиэпидемиявӣ ва пешгирӣ аз интиқолу паҳншавии бемории сироятии коронавирус дар Ҷумҳурии Тоҷикистон аз ҷой доштани ҳолатҳои сироятёбии шаҳрвандони мамлакат ба бемории коронавирус иттилоъ дод.

Дар маҷмӯъ, аз 30 апрели соли 2020 то 5 июли соли 2021 дар кишвар 13 623 нафар гирифторони сирояти коронавирус ба қайд гирифта шуда, аз ин шумора то санаи зикргардида 13 382 нафар шифо ёфтаанд ва бар асари бемории мазкур 95 нафар фавтидаанд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube