Духтари дузд дастгир гардид

Ба мақомоти корҳои дохилӣ дар ноҳияи Фирдавсии шаҳри Душанбе бо ариза марди 23-солаи сокини кӯчаи Н.Қарабоев муроҷиат намудааст, ки рӯзи 15-уми январи соли 2019, тахминан соати 17:30-дақиқа, шахси номаълум бо роҳи пинҳонӣ аз дохили автомашинаи шахсиаш тамғаи “Мерседес-Бенс”, ки дар назди бинои истиқоматиаш беназорат меистод, 16 ҳазору 680-сомониро дуздида, аз ҷойи ҳодиса ғайб задааст.

Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия зани 19-солаи сокини кӯчаи Н.Қарабоев бо ҷурми дуздӣ дастгир гардида, аз рӯи ин ҳодиса тафтишот идома дорад.

ВКД

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube