Рӯзнома зиёд, "Тоҷикистон" яктост!

Раҳмон: Ҳушёрии сиёсиро аз даст надиҳед!

Эмомалӣ Раҳмон, Президенти Тоҷикистон, дар ҳузури тамоми генералҳои баландпояи кишвар аз вазъи пешгӯинашавандаи ҷаҳон ҳушдор дода, мақомдоронро ба ҳушёрӣ даъват намуд

Раисиҷумҳури Тоҷикистон дар маросими тақдими мукофоту рутбаҳо ба мақомдорони ҳифзи ҳуқуқ ва қудратӣ дар мавриди вазъи феълии минтақа ва ҷаҳон суҳат кардааст.

Тибқи иттилои дафтари матбуоти Президенти Тоҷикистон, Эмомалӣ Раҳмон вобаста ба вазъи ниҳоят мураккабу пешгӯинашавандаи сиёсиву иқтисодӣ ва амниятии ҷомеаи ҷаҳон, аз ҷумла буҳронҳои шадиди иқтисодиву молиявӣ ва таҳдиду хатарҳои муосир андешаронӣ карда, таъкид, намуд, ки афсарону сарбозон ҳушёр бошанд.

Ба гуфтаи Президенти Тоҷикистон масъулини қувваҳои масаллаҳ мақомоти ҳифзи ҳуқуқ бояд зиракии сиёсиро як лаҳза ҳам аз даст надиҳанд, бо интизоми оҳанини ҳарбӣ, риояи қонун ва ойинномаҳои ҳарбӣ омодабошии ҷангӣ ва иқтидори мудофиавии давлати соҳибихтиёри тоҷиконро боз ҳам баланд бардоранд.
Таъкиди Президент ба ҳушёрию таҳкими омодагии ҷангӣ дар ҳолест, ки дар кишвари ҳамсоя – Афғонистон созмони террористии Толибон* қудратро ғасб карда, феълан комилан марз бо Тоҷикистону дигар кишварҳоро таҳти назорат доранд.

Президенти Тоҷикистон ахиран дар баёни мавқеаш дар мавриди Афғонистон изҳор дошт, ки бояд дар ин кишвар як ҳукумати ҳамашумул ташкил гардад, ки дар он намояндагони тамоми халқҳои Афғонистон, аз ҷумла тоҷикон шомил бошанд.
Ӯ афзуд, ки Тоҷикистон ҳеҷ гуна ҳукумати дигарро, ки дар ин кишвар бо роҳи зулму таъқиб, бе дарназардошти мавқеъи кулли мардуми Афгонистон, бахусус тамоми ақаллиятҳои миллии он таъсис дода мешавад эътироф нахоҳад кард.

Акс, видео, хабарҳои ҷолибро фиристед: Viber, Whatsapp, IMO, Telegram +992 93-111-08-61


Шарҳ

Аввалин шуда шарҳи худро гузоред!

Leave a Reply

Ваш e-mail не будет опубликован.