Зан духтари худашро корд зад

ВКД хабар медиҳад,ки ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони ШВКД-1 дар ноҳияи Рӯдакӣ зани 52-солаи сокини ҷамоати деҳоти Чортеппаи ноҳияи Рӯдакӣ ҳамчун гумонбар дар расонидани зарари вазнин ба саломатӣ дастгир карда шуд.

Номбурда, шаби 15 ба 16-уми марти соли 2019, тахминан соати 03:30-дақиқа, ҳангоми муноқишаи оилавӣ дар хонаи истиқоматиаш бо духтари 18-солааш, ки сокини ҳамон ҷо мебошад, ҷангу ҷанҷол намуда, бо корди дар дасташ буда, се маротиба ба китфи чапаш задааст.
Дар натиҷа, ҷабрдида ҷароҳати ҷисмонӣ бардошта, дар беморхона бистарӣ гардидааст.
Оид ба ин ҳодиса парвандаи ҷиноятӣ оғоз гардида, тафтишот давом дорад.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube