Тасаллияти Эмомалӣ Раҳмон ба пайвандони Горбачёв

Президенти мамлакат Эмомалӣ Раҳмон аз даргузашти Михаил  Горбачёв изҳори андуҳ кард.

“Хабари даргузашти Михаил Сергеевич Горбачёв боиси андӯҳи мо гардид. «Таъзия ва тасаллиёти самимии ин ҷонибро ба ҳамаи пайвандон ва наздикони марҳум иброз намуда, дар ин лаҳзаҳои ҳузнангез ба онҳо сабри ҷамил хоҳонем», омадааст дар паёми тасаллияти Эмомалӣ Раҳмон ба наздикону пайвандони марҳум.

Михаил Горбачёв, президенти аввалину охирини Иттиҳоди Шӯравӣ ва яке аз чеҳраҳои машҳури сиёсӣ дар ҷаҳон дар синни 91-солагӣ дар пойтахти Русия даргузашт.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube