Тоҷикистон дар рейтинги ҷаҳонӣ мавқеашро иваз накард

Созмони ҷаҳонии футбол (FIFA) рейтинги навшудаи дастаҳои мунтахаби аъзоро нашр кард. Дастаи мунтахаби Тоҷикистон мавқеи пешинаашро аз даст надода, бо 1208,01 имтиёз дар ҷои 103-юм қарор дорад.

Дар минтақаи Осиёи Марказӣ бо ин натиҷа Тоҷикистон дар ҷойи дуюм аст. Ӯзбекистон дар рейтинги ҷаҳонӣ дар ҷойи 60-ум дар Осиёи Марказӣ пешсаф аст ва Қирғизистон дар мақоми 106-ум дар Осиёи Марказӣ сеюм аст. Қазоқистон дар ҷои 109-ум, Туркманистон дар ҷои 142-юм қарор доранд.

Ҷойи аввалро ар байни 210 дастаи аъзо тими миллии Аргентина, ки қаҳрамони феълии ҷаҳон аст, ишғол мекунад. Фаронса дар ҷойи дуюм, Испания дар ҷойи сеюм ҳастанд.

Бозиҳои ояндаи Тоҷикистон дар мавсими 50-уми мусобиқаи дўстонаи “Ҷоми Кинг”, ки дар шаҳри Сонгхлаи Тайланд баргузор мешавад, дар назаранд.

Дар даври ниманиҳоии мусобиқот дастаи мунтахаби Тоҷикистон бо тими Сурия бозӣ мекунад. Ин бозӣ 11-уми октябр дар варзишгоҳи Тинсуланонда баргузор мешавад. Бозиҳои ҳалкунандаи Ҷоми Подшоҳ-2024 рўзи 14-уми октябр баргузор мешаванд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube