Тоҷикобод боз нақшаи даъватро дар як рӯз иҷро кард

Имсол низ ноҳияи Тоҷикобод нақшаи даъвати наваскарон ба Артиши миллиро дар як рӯз иҷро кард.

Тавре ки аз мақомоти ноҳия ба Pressa.tj иттилоъ доданд, ҷавонони ноҳияи Тоҷикобод бо дарки асолати баланди ватандӯстӣ, ҳуввияти миллӣ чун анъана нақшаи даъват ба хизмати ҳарбиро дар рӯзи аввал иҷро намуданд.

“Тӯли солҳои охир сафи ҷавонони ихтиёрӣ ба хизмати ҳарбӣ афзуда, нақшаи даъват дар як рӯз 100% иҷро мегардад. Ва ин ҷавонони боғайрати ноҳия ба сафи Кувваҳои мусаллаҳи Ҷумҳурии Тоҷикистон пайваста, сарбаландона адои хизмат менамоянд”,-иттилоъ дод манбаъ.

Ёдовар мешавем, ки даъвати баҳории наваскарон аз 1 апрел оғоз шуда, то 31 май идома меёбад.

Имсол ҷавонони синну солашон 18 то 27-сола (солҳои таваллуди 1998-2007) дар ин мавсим ба сафи қувваҳои мусаллаҳ ҷалб мешаванд.

Шахсоне, ки хидмати ҳарбиро тамом карданд, дар моҳҳои апрел-майи соли 2025 аз сафи Қувваҳои мусаллаҳи кишвар ба эҳтиёт рухсат дода мешаванд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube