Заҳролуди 4 узви як оила дар Душанбе

Дар шаҳри Душнабе 4 аъзои як оила аз дуди ғализи ангишт заҳролуд шудаанд. Дар ин бора Кумитаи ҳолатҳои фавқулоддаи Тоҷикистон хабар додааст.

Тибқи маълумоти сардори шуъбаи раёсати кумитаи мазкур дар ноҳияи Шоҳмансур, шаби  24 декабри соли 2024, дар маҳаллаи Ховарон, шаҳраки 192-и ноҳияи Шоҳмансур, 4 нафар аъзои як оила аз дуди ғализи ангишт заҳролуд шудаанд. Онҳо  ба беморхонаи марказии тиббии №3-и шаҳри Душанбе интиқол дода шудаанд.

“Айни замон беморон дар ҳуҷраи наҷоти шуъбаи заҳролудшудагон таҳти назорати табибон қарор доранд”,-иттилоъ медиҳад манбаъ. 

Аз заҳролудшудагон модари хонадон 33 сол дорад. Се нафар: яке 13-сола, дуюмӣ 10-сола ва сеюмӣ чорсола мебошанд.

Тибқи иттилои манбаъ, сабаби ин ҳодиса риоя накардани қоидаҳои бехатарии истифода аз ангишт барои гарм кардани хонаҳост.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube