Занони шоҳмотбози Тоҷикистон дастаи Финландияро шикаст доданд

Мунтахаби занони шоҳмотбози Тоҷикистон бо ҳисоби 2,5:1,5 бар дастаи Финландия дастболо шуд.

Пас аз 6 давр мунтахаби занони Тоҷикистон дар байни 183 дастаи иштирокчии олимпиада дар зинаи 49-ум қарор дорад. Ҳарифи навбатии мунтахаби занони Тоҷикистон бошад, тими Словакия аст.

Мунтахаби мардони Тоҷикистон Португалияро мағлуб кард.

Дар даври 6-уми Олимпиадаи ҷаҳонии шоҳмот дар Будапешт мунтахаби мардони Тоҷикистон бо ҳисоби 3:1 бар тими мунтахаби Португалияро ғолиб баромаданд. Дар даври дигар бошад, мунтахаби мардони шоҳмотбозони Тоҷикистон бо дастаи Бразилия бозӣ хоҳанд кард.

Пас аз 6 давр мунтахаби мардони Тоҷикистон 6 имтиёз аз худ карда, байни 197 кишвари иштирокчии олимпиада дар зинаи 33-юм ҷой дошта, дар сегонаи аввали пешсафон бошад тимҳои Ҳиндустон, Ветнам ва Чин ҷой доранд.

Ба гуфтаи котиби генералии Федератсияи шоҳмоти Тоҷикистон Илҳом Юнусов, шоҳмотбозони тоҷик бори нахуст ба чунин натиҷаҳои баланд дар олимпиада ноил гардида истодаанд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube