Зюганов: Жириновский ифлостарин рупори Кремл аст

Роҳбари ЛДПР Владимир Жириновский дар эфири барномаи «Шом бо Владимир Соловёв» дар шабакаи телевизионии «Россия 1» рӯйхати президентҳои эҳтимолии ояндаи Русияро пешниҳод кард. Ба қавли ӯ, дар байни ворисони эҳтимолии Владимир Путин сарвазир Михаил Мишустин, вазиримудофиа Сергей Шойгу, сардори хадамоти ҷосусӣ Сергей Наришкин, собиқ президент Дмитрий Медведев, губернатори вилояти Тула Алексей Дюмин, раиси Думаи давлатӣ Вячеслав Володин, Валентина Матвиенко, шаҳрдори Маскав Сергей Собянин ҳастанд. Роҳбари Ҳизби Коммунисти Русия Геннадий Зюганов дар ин маврид гуфтааст: «Жириновский ифлостарин рупори Кремл аст. Намедонам, ки кӣ ба ӯ иҷозат додааст, то ин рӯихатро пешниҳод кунад. Айни замон дар Кремл муттаҳидӣ дида намешавад ва ду манораи он бо ҳам меҷанганд”. Ба гуфтаи ӯ, дар Русия демократияи ҳақиқӣ ва идеяи нави ватандӯстиро ҷорӣ кардан лозим аст, ки бидуни он ҷомеаро муттаҳид ва мушкилотро ҳал кардан ғайриимкон аст. “Имрӯз империализми ҷаҳонӣ аллакай Русияро душмани рақами як эълон кардааст. Дар ин робита, аз Путин талаб карда мешавад, ки консепсияи рушди ояндаи моро фикр кунад. То ба ҳол имкони баровардани кишвар аз даврони ифлоси Елтсин даст надодааст ”, — шикоят мекунад Зюганов. Ба гуфтаи ӯ, ҳоло ҳамла ба коммунизм ва мазҳаби православӣ рафта истодааст. Ҳамзамон, раҳбари Ҳизби коммунистии Русия бо президенти Русия Владимир Путин мувофиқ аст, ки ҳоҷат барои «ба атроф нигаристан» нест, ки ворис кӣ аст, аммо муттаҳид ва кор кардан лозим . «Изҳороти Жириновский ба ҳадафҳои рафъи бӯҳрон ва муттаҳидсозии ҷомеа ҳеҷ иртибот надорад. Ҳамин ки шумо бо як вориси худ ба ин бозиҳо шурӯъ мекунед, Русия пора-пора хоҳад шуд», — пешгӯӣ кард пешвои коммунистҳо. Қаблан, дар як нишасти матбуотӣ Путин эълом дошт, ки ҳанӯз дар бораи мӯҳлати нави президентӣ тасмим нагирифтааст. Раҳбари Русия борҳо таъкид кардааст, ки мақоми ӯ пас аз соли 2024 аз вазъият ва хоҳиши ҷомеа вобаста хоҳад буд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube