Фасли баҳор дар минтақаи Бохтар барвақт фаро расид (аксҳо)

Дар минтақаи Бохтари вилояти Хатлон фасли баҳор нисбат ба дигар манотиқи кишвар барвақттар эҳсос мешавад. Аллакай дар ин гӯша, ки яке аз гармтарин минтақаҳои Тоҷикистон ба ҳисоб меравад, дарахтон ғарқи гул шуда, табиат ранги тоза гирифтааст.

Сокинони маҳаллӣ мегӯянд, имсол нисбат ба соли гузашта дарахтон барвақттар гул карда, сабза низ зудтар рӯйидааст. Ба гуфтаи онҳо, гармии нисбатан барвақти ҳаво боис шудааст, ки нишонаҳои баҳор пеш аз муҳлати маъмулӣ падид оянд.

Ба таъкиди сокинон, фарорасии барвақти баҳор барои боғдорон ва кишоварзон низ фоли нек маҳсуб мешавад, зеро мавсими кишту кори баҳорӣ барвақт оғоз мегардад.

Минтақаи Бохтар, ки маркази маъмурии вилояти Хатлон мебошад, ҳамасола аз аввалин манотиқест, ки гармии баҳорро истиқбол мекунад.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube