ФИФА мавқеи мунтахаби Тоҷикистонро як зина боло бардошт
Федератсияи байналмилалии ассотсиатсияҳои футбол (ФИФА) 1 июн феҳристи нави ҷойгирии мунтахабҳои миллиро манзур гардонд.
Тибқи иттилои сомонаи расмии Федератсияи футболи кишвар (ФФТ) дастаи мунтахаби Тоҷикистон дар қиёс бо моҳи гузаштаяк зина баланд шуда, акнун 137-умин ба шумор меравад. Чун дар моҳи сипаришуда мунтахаби Тоҷикистон 205 хол гирифта, дар байни дастаҳои мунтахаби минтақаи Осиё мақоми 24-умро гирифтааст.
Мунтахаби миллии Тоҷикистон бозии қарибулвуқӯи худро дар чорчӯбаи мусобиқаи интихобии Ҷоми Осиё-2019 бо мунтахаби Филиппин, ки дар феҳристи ФИФА 126-ум мебошад, мегузаронад. Вохӯрӣ 13 июн дар Варзишгоҳи марказии шаҳри Душанбе, соати 21:00 баргузор мешавад.
Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube
Шарҳ