Ҷинсҳои латифи телефондузд
Кормандони милитсия ду ҷинояти марбут ба дуздии телефонҳои мобилӣ ошкор ва гумонбарони онро дастгир карданд.
Зимни гузаронидани чорабиниҳои оперативӣ-ҷустуҷӯӣ муайян карда шуд, ки гумонбар, зани 24-солаи сокини шаҳри Панҷакент ҳангоми дар мағозаи “Элита”, воқеъ дар шаҳри Хуҷанд буданаш, телефони мобилии тамғаи “Самсунг”-и зани 36-солаи сокини шаҳри Хуҷандро дуздида, аз ҷойи ҳодиса ғайб задааст. Арзиши телефони мобилии зикргардида 1680-сомониро ташкил медиҳад.
Ҳамчунин шахси номаълум бо роҳи пинҳонӣ вориди хонаи истиқоматии зани 44-солаи сокини шаҳри Душанбе шуда, аз он ҷо телефони мобилии тамғаи “Самсунг Г-5”, ки арзишаш 4266-сомониро ташкил медиҳад, дуздида аз ҷойи ҳодиса ғайб задааст.
Дар натиҷаи бурдани корҳои оперативӣ бо гумони содир намудани ҷинояти мазкур духтари 16-солаи сокини шаҳри Душанбе дастгир карда шуд.
Нисбати далелҳои мазкур парвандаи ҷиноятӣ оғоз гардида, тафтишот идома дорад.
Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube
Шарҳ