Рӯзнома зиёд, "Тоҷикистон" яктост!

Ҳукумат ба «Тоҷиксодиротбонк»- у «Агроинвестбонк» 3 миллиард ҷудо кард

Тибқи иттилои Бонки миллии Тоҷикистон 13-уми декабр фаъолияти маъмуриятҳои муваққатӣ дар “Тоҷиксодиротбонк” ва “Тоҷпромбонк” ба анҷом расид.

Дар робита ба қарорҳои зикршуда, роҳбарияти ҶСК “Тоҷиксодиротбонк” ва “Тоҷпромбонк” ӯҳдадор карда шуданд, ки дар муҳлати то як моҳ аз рӯзи қабули қарори мазкур нақшаи беҳбудии вазъи молиявии бонкро ба Бонки миллии Тоҷикистон пешниҳод намоянд.

Дар ҳамин ҳол ҳукумати Тоҷикистон барои беҳбуди вазъи бонкҳои тиҷории кишвар беш аз 3 миллиард сомонӣ ҷудо кардааст, ки аз ин ҳудуди 2 миллиард барои “Тоҷиксодиротбонк”, як миллиард барои “Агроинвестбонк” пешбинӣ шудааст.

Талоши беҳбуди вазъи молиявии бонкҳо дар ҳолест, ки Тоҷиддин Пирзода баъди 7 моҳ дубора ба мақоми раҳбари “Тоҷиксодиротбонк” баргашт. Бонки миллӣ 18 майи соли равон дар “Тоҷиксодиротбонк” маъмурияти муваққатӣ бо раҳбарии Мирҳаёт Ёқубов таъин карда буд, ки то ҳол фаъолият дошт.

Акс, видео, хабарҳои ҷолибро фиристед: Viber, Whatsapp, IMO, Telegram +992 93-111-08-61


Шарҳ

Барои ин мақола 1 шарҳ ҳаст
  1. Умед 14.12.2016 19:30

    Ба ҳаммаи мову шумо маълум аст, ки барканории ин конкирҳо ташабуси ки буд. Ин ташабуси як муовини Раиси бонки миллӣ буд, ки худ низ соҳиби як бонк мебошад(Сп-бонк),,,, Ин нафар ин бонкдорҳоро истифода бурда ба боварии онҳо даромада баъд ҳамаи онҳоро ба доми худ кашида – банкрот кард ва қариб буд ки тамомои системаи бонкдории давлатро барҳам диҳад, Ин нафар ба қавли русҳо – недоучка,, мебошад, Бовар кунед ягон чизро намефаҳмад – локин ҳамин хел рафтор мекунад, ки гуё аз ҳама вай боақлтар аст,, ҳама бо вай рози мешаванд, фақат ба хотири мартабаи вай – на ба хотири он ки вай ҳақ аст,, Инро худаш ҳам медонад, ки худаш бало намефаҳмад – ҳатто вақте вайро дар Бонки ҷаҳони намояндаи Тоҷикистон номзад мондан- Бок номзадии вайро ҷабул намекард, вай ҳатто ба забони русӣ муошират карда наметавонист, ангиси ро низ тамоман намедонист – чи хел вай дар онҷо Тоҷикистонро муарифи мекард !!!! як шармандагӣ буд,, Ҳоло бошад ҳамаро таъна мезанад, ,, худаш бошад як бесаводи аблаҳ мебошад,,,,

Leave a Reply

Ваш e-mail не будет опубликован.