Тоҷикистон дар рейтинги ҷахонӣ як зина боло шуд
Дастаи мунтахаби Тоҷикистон дар раддабандии нави тимҳои миллӣ, ки дар вебгоҳи расмии Федератсияи байналмилалии футбол (FIFA) нашр шуд, як зина боло рафт.
Дастаи мунтахаби Тоҷикистон ҳоло дар раддабандии ФИФА дар зинаи 104-ум қарор дорад. Даста дар ҳисоби худ 1203,08 имтиёз дорад, ки назар ба нашри қаблӣ 6,1 хол зиёд аст.
Дастаи мунтахаби футболи Тоҷикистон дар моҳи ноябр ду бозии дӯстона анҷом дод, ки дар ҳарду пирӯ3 шуд. Шогирдони Гела Шекиладзе футболбозони кишвари Непалро бо ҳисоби 4:0 ва Афғонистонро бо ҳисоби 3:1 мағлуб карданд.
Миёни дастаҳои Осиё дастаи мунтахаби Тоҷикистон аз тимҳои миллии Қирғизистон (ҷойи 107-уми ҷаҳон), Лубнон (112), Кореяи Шимолӣ (114), Ветнам (117), Индонезия (125), Ҳиндустон (127) ва дигарон пештар буда, зинаи 17-умро ишғол мекунад.
Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube
Шарҳ