Хунуми тиллодуздро дастгир карданд

 Рӯзи 23.10.с.2016, оиди ҳодисаи дуздӣ ба мақомоти милитсия зани 53-солаи сокини шаҳри Конибодом муроҷиат намудааст, ки дар ҳамин рӯз, тахминан соати 09:30-дақиқа, шахсони номаълум бо роҳи пинҳонӣ вориди дӯкони савдояш шуда, аз он ҷо ҳамёнро, ки дар дохилаш чавоҳироти тиллоӣ, ҷамъ ба маблағи 30000-сомонӣ ҷойгир буд,  дуздида, аз ҷойи ҳодиса ғайб задаанд.

Дар натиҷаи гузаронидани чорабиниҳои оперативӣ-ҷустуҷӯӣ аз ҷониби кормандони милитсия, зани 31-солаи сокини ҳамин шаҳр ҳамчун гумонбар дар содир намудани ҷинояти дуздӣ дастгир карда шуд.

Аз рӯи ҳодисаи мазкур парвандаҳои ҷиноятӣ оғоз гардида, тафтишот идома дорад.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube