Марги ду шаҳрванди Тоҷикистон дар садамае  дар Русия

Ронандаи мошини Toyota, бо суръати баланд, ба фурае, ки дар километри 1071-уми шоҳроҳи М-7 «Волга», ба самти Уфа, дар канори роҳ истода буд, бархӯрдааст. Дар натиҷа, ҳарду нафаре, ки дар мошини сабукрав буданд, дар ҷойи ҳодиса ҷон бохтанд.

Ба иттилои мақомоти Русия, фавтидагон шаҳрвандони  33 ва 23-солаи Тоҷикистон буда, дар Москва зиндагӣ мекардаанд. Дар вақти ҳодиса дар ин қитъаи роҳ яхбандӣ будааст, ки пешакӣ дар бораи он ҳушдор дода будаанд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube