Рўзҳои баргузории Бозиҳои 19-ум дақиқ шуданд

Шўрои олимпии Осиё (OCA) рўзҳои баргузории Бозиҳои 19-уми Осиёро, ки дар Ҳангжоуи Чин ба нақша гирифта шудааст, дақиқ кард. Гуфта мешавад, ки Бозиҳо соли оянда аз 23-юми сентябр то 8-уми октябр баргузор хоҳанд шуд.

Дар ибтидо Бозиҳои 19-уми Осиё аз 10 то 25-уми сентябри соли 2022 дар Ҳангжоу ба нақша гирифта шуда буд, аммо бо сабаби пандемияи COVID-19 мавқуф гузошта шуд.

Гуруҳи корӣ барои муайян кардани санаҳои нав тайи ду моҳи охир бо Кумитаи олимпии Чин, Кумитаи тадорукоти Бозиҳои Осиё дар Ҳангжоу (HAGOC) ва дигар ҷонибҳои манфиатдор барои дарёфти равзанаи бозиҳо, ки бо дигар чорабиниҳои бузурги байналмилалии варзишӣ мухолифат намекарданд, баҳсҳои гуногун анҷом дод. Санаҳои тавсияшуда аз ҷониби гуруҳи корӣ аз ҷониби Кумитаи иҷроияи OCA тасдиқ карда шуд.

Ба барномаи Бозиҳои Осиё 40 намуди варзиш (61 равияи варзишӣ) ворид гардидаанд. Ҳудуди 10000 варзишгар аз 45 кишвари қора барои 482 маҷмуи медалҳо талош мекунанд. Кишварҳои Уқёнус низ барои иштирок дар баъзе намудҳои варзиш даъват карда мешаванд, аммо дар сурати пирўзӣ ба онҳо медали ифтихорӣ тақдим мегардад.

Бозиҳои Осиё зери сарпарастии Шўрои олимпии Осиё аз соли 1951 ҳар чор сол як маротиба баргузор мешавад. Тоҷикистон аз соли 1994 дар Бозиҳои Осиё ширкат мекунад ва то имрўз сазовори 27 медал — 4 тилло, 6 нуқра, 17 биринҷӣ гардидааст.

Акс, видео, хабарҳои ҷолибро фиристед: Viber, Whatsapp, IMO, Telegram +992 98-333-38-75


Шарҳ

Назари дигар доред? Нависед!

Leave a Reply

Ваш e-mail не будет опубликован.