Роналду ба “Нюкасл” ба иҷора дода мешавад (аудио)

— Агар Роналду ба Лигаи Чемпионҳо роҳ ёбад, метавонад ба “Нюкасл” ба иҷора дода шавад,- хабар медиҳад Marca.

“Ал-Наср” дар бораи интиқоли Роналду хабар дод, ки шартнома то моҳи июни соли 2025 ба имзо расидааст. Футболбози 37-сола зери рақами ҳафтум бозӣ мекунад.

Ба навиштаи рӯзнома, дар шартномаи Португалия банде мавҷуд аст, ки тибқи он ӯ метавонад ба “Нюкасл” бипайвандад, агар даста ба Лигаи Чемпионҳо роҳхат гирад. Дар аввали моҳи октябри соли 2021 “Нюкасл” ба Фонди сармоягузории ҷамъиятии (PIF) Арабистони Саудӣ фурӯхта шуда буд.

Роналду барандаи панҷкаратаи «Тӯби тиллоӣ» аст. Дар тӯли фаъолияти худ ӯ дар дастаҳои «Спортинг»-и Португалия, «Манчестер Юнайтед»-и Англия, «Реал»-и Испания ва «Ювентус»-и Италия баромад кардааст. Вай панҷ маротиба қаҳрамони Лигаи Чемпионҳо, се маротиба қаҳрамони Англия, ду маротиба қаҳрамони Испания ва Италия буд. Роналду дар ҳайати Португалия қаҳрамони Аврупо (2016) ва Лигаи Миллатҳо (2018/19) шуд.

Дар ҷараёни Ҷоми ҷаҳонии футбол дар Қатар, ки мунтахаби Португалия ба чорякфинал роҳ ёфт, Роналду шартномаашро бо «Манчестер Юнайтед» шикаст.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube