Шералӣ аз трактор афтида мурд

Вазорати умури дохилии Тоҷикистон аз ҳодисаи нохуш дар ноҳияи Данғара хабар дод, ки дар пайи он як писарбачаи 10-сола ҷон додааст.

Тибқи иттилои ВКД 10-уми сентябри соли 2017, тахминан соати 19:10-дақиқа, трактори боркаши тамғаи “Белорус-82”, бо 2-адад ядак, таҳти идораи ронанда, Мардонов Азизбек, сокини 40-солаи ҷамоати деҳоти Лолазори ноҳияи Данғара аз самти деҳаи Қавралӣ ба самти деҳаи Чорсада-1 ҳаракат доштааст: “Ронанда дар ҳудуди ҷамоати деҳоти Лолазор бехатарии ҳаракати роҳро риоя накардааст. Дар натиҷа ноболиғ, Ғаниев Шералӣ Заҳматович, соли таваллудаш 2007, сокини деҳаи Чорсада-2, ки дар қисми қафои ядаки якуми трактори мазкур савор буд, ба замин афтидааст ва дар роҳ ба беморхона ба ҳалокат расидааст”.

ВКД афзуд, ки феълан таҳқиқи ин ҳодиса идома дорад.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube