Тоҳир Қаландаров: Қонуни танзим мардумро аз қарз озод мекунад
Коршиноси Фарҳангистони Русия Тоҳир Қаландаров дар бораи фоидаи қонуни танзим ибрози андеша кард
Корманди калони Маркази пажӯҳишии Осиё ва Уқёнуси Ороми Фарҳангистони Русия Тоҳир Қаландаров ислоҳи қонуни тазимро тавзеҳ дод.
Ба гуфти ӯ дар воқеъ ташкили тӯю маърака барои бештари мардуми Тоҷикистон бори гарон аст ва ин қонун ба онҳо сабукӣ хоҳад овард.
«Ман фикр намекунам, ки мардум хоста бошанд тӯйи дабдабанок барпо кунанду боз ҷарима пардозанд, — гуфтааст коршинос.
Ба гуфти вай дар Тоҷикистон мардум аз якдигар тақлид мекунад. Агар ҳамсоя гов забҳ кардаву меҳмондорӣ кунад ва ба меҳмонони худ тӯҳфаҳо ҳадя намояд ҳамсояяш талош мекунад, ки зиёфати худро ба дараҷае аз ӯ баландтар гузаронад.
Вале имконияти мардум яксон нест, қайд мекунад коршинос.
Барои ҳамин мардум қарз гирифтаву солҳои тӯлонӣ наметавонанд онро пардохт кунанд.
«Ҷашн мегузарад, қарз мемонад», — гуфт коршинос.
Қаландаров бовар дорад, ки ин қонун дар воқеъ метавонад мушкилоти мардумро ҳал кунад.
Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube
Шарҳ