Туман муйсафедонро кушт

Тавре Маркази матбуотии ВКД хабар медтҳад,18-уми декабр, тахминан соати 04:30 мошини “Нексӣ” ба далели туман аз болои пул ба канал чаппа шудааст, ки дар натиҷа ронанда ва мусофираш ба ҳалокат расидаанд.
“Ронандаи автомашинаи тамғаи “Некси-Даэву”, Ҷабборов Абдулмаҷид Тоштемурович, соли таваллудаш 1956, сокини ҷамоати шаҳраки Кирови ноҳияи Вахш, ҳангоми ҳаракат дар ҳудуди роҳи мошингарди деҳаи Мардасойи ҳамин ноҳия бинобар сабаби туман ва кам будани масофаи дидашавии роҳ, аз уҳдаи идораи воситаи нақлиёт набаромада, аз болои пул ба дохили канал афтида, чаппа шудааст”, — омадааст дар иттилоияи ВУД.
Манбаъ афзуд, ки дар натиҷа, худи ронанда Ҷабборов ва мусофири мошин Бобоҷонов Абдурасул Раҳмонович, соли таваллудаш 1955, сокини ҷамоати шаҳраки Кирови ноҳияи мазкур, ҷароҳатҳои вазнини ҷисмонӣ бардошта, дар ҷойи ҳодиса ба ҳалокат расидаанд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube