Заминларза дар марзи Тоҷикистону Чин

Субҳи имрӯз, 29 апрел дар ноҳияи худмухтори Синҷон-Уйғури Чин, ки бо Тоҷикистон ҳаммарз аст, заминларза рух дод.

Бино ба маълумоти Хадамоти зилзиласанҷии шаҳри Ҳонконги Чин, заминларза бо иқтидори 5,2 дараҷа соати 8.23 дақиқаи вақти маҳаллӣ (соати 5.23-и вақти Душанбе) ба амал омадааст.

Тибқи иттилои ин манбаъ маркази зилзила дар 190 километрии ғарби шаҳри Кошғари ноҳияи худмухтори Синҷон-Уйғури Чин воқеъ гаштааст.

Дар мавриди талафоти ҷонӣ ва хисороти иқтисодӣ дар пайи ин заминларза маълумоте пахш нашудааст.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube