Майсара Дилдорова – садои нотакрори Бадахшон (видео)

Имрӯз Ҳунарпешаи халқии Тоҷикистон Майсара Дилдорова зодрӯз дорад. Номбурда  2 –юми августи соли 1944 дар шаҳри Хоруғ ба дунё омадааст.

 Ӯ фаъолияти ҳунариашро ҳанӯз соли 1955 дар дастаи ҳаваскорони мактаб оғоз карда, аз соли 1960 дар Театри мазҳакаи мусиқии Хоруғ ба номи Меҳрубон Назаров ҳамчун сароянда ва ҳунарпеша фаъолият намудааст.

Майсара Дилдорова бо иҷрои сурудҳои лирикӣ ва таронаҳои халқҳои гуногун шуҳрат пайдо кард.

«Бахти ман дар Тоҷикистони ман аст», «Хоруғи зебо» ва «Моҳи Шуғнон» аз сурудҳои маъруфи ӯ ҳастанд.

Ӯ дар саҳнаи театр низ нақшҳои хотирмон офарида, соли 1985 сазовори унвони Ҳунарпешаи халқии Тоҷикистон гардид. Ҳунари ӯ дар таърихи фарҳанги тоҷик ҷойгоҳи арзанда ва мондагор дорад.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube