Боздошти модаре, ки писари навзодашро фурӯхтааст

Дар шаҳри Кӯлоб зани 25-соларо бо гумони хариду фурӯши кӯдак боздошт намуданд.

Дар шаҳри Кӯлоб зани 25-соларо бо гумони хариду фурӯши кӯдак боздошт намуданд, хабар медиҳад дафтари матбуоти Вазорати корҳои дохилии Тоҷикистон.

Тавре манбаъ иттило медиҳад, ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия зани 25-солаи сокини н.Муъминобод, бо гумони хариду фурӯши ноболиғ дастгир карда шуд.

“Номбурда, 9-уми июни соли 2019, дар таваллудхонаи марказии ш.Кулоб тифли навзод ҷинсаш мард таваллуд карда, баъдан бо маслиҳати пешакӣ бо зани 44-солаи сокини н.Восеъ, тифли навзодашро ба маблағи 1.050-сомонӣ ба зани 57-солаи сокини н.Муъминобод, фурӯхтаанд”, — омадааст дар иттилоия.

Оид ба ин ҳодиса парвандаи ҷиноятӣ оғоз гардида, корҳои тафтишотӣ идома дорад.

Акс, видео, хабарҳои ҷолибро фиристед: Viber, Whatsapp, IMO, Telegram +992 98-333-38-75


Шарҳ

2 шарҳ вуҷуд дорад

Leave a Reply

Ваш e-mail не будет опубликован.