Раҷаббой Аҳмадзода ба аёдати ходимони намоёни ҷамъиятӣ рафт (аксҳо)

Раиси вилояти Суғд Раҷаббой Аҳмадзода ба муносибати Рӯзи Модар ба аёдати ходими намоёни давлатӣ ва ҷамъиятӣ Биҳоҷал Раҳимова, Шоири халқии Тоҷикистон Фарзона, Ҳунарпешаи халқии Тоҷикистон Сайрам Исоева, Шаҳрванди фахрии Хуҷанд Хосият Зокирова, Файзинисо Ғафурова, Мағфират Дадобоева рафт.

“Зимни дидорбинӣ таъкид карда шуд, ки модар қиматтарин неъмати рўи дунё, сарчашмаи муҳаббати беканор, чашмаи мусаффо ва махзани ганҷи фарзанд, ҳимматбаландтарин шахси башарият аст”,-иттилоъ медиҳад маркази матбуоти раиси вилоят.

Тибқи иттилои манбаъ, аёдатшудагон ба Пешвои миллат Эмомалӣ Раҳмон ҷиҳати ғамхорӣ ба бонувон, бахусус занони собиқадор арзи миннатдорӣ намудаанд. Таъкид доштаанд, ки дар оянда низ баҳри тарбия, насиҳат ва раҳнамоии насли наврасу ҷавон тамоми васила ва қувваи хешро сафарбар хоҳанд намуд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube