Тоҷике, ки дар Новосибирск дӯстдухтарашро кушт, ҳабс шуд

Роман Ҳамроев, зодаи Тоҷикистон ва сокини шаҳри Новосибирски Русия, ки дӯстдухтарашро бо корд ба ҳалокат расонида буд, ҳабс шуд.

Духтари марҳум Анастасия Раковаи 17-сола будааст, ки аз 15 зарби корд ба ҳалокат расидааст. Ин воқеаро як нафар роҳгузар аз мошин сабт кардааст.

Қаблан РИА “Новости” хабар дода буд, ки “дар кадрҳои навори видео дида мешавад, ки духтар аз назди ҷавон гурехтанӣ мешавад, лекин мард ӯро дарёб ва сипас бо корд ба зарбазанӣ оғоз мекунад”.

Ду нафар шоҳид ҷуръати наздик шудан ба ҷинояткори мусаллаҳро накардаанд. Ҷинояткор баъди куштани духтар аз ҷойи ҳодиса фирор кардааст.

Гумонбар 27-уми июл дар ноҳияи Ленини Новосибирск дастгир шудааст.

Ба ақидаи шахсоне, ки зану мардро мешиносанд, сабаби ин амал рашк аст, зеро зани фавтида маъшуқаи Ҳамроев буда, баъдан робитаҳояшонро кандаанд. Чанд рӯз пеш то ҳодиса ҷавон гуфта будааст, ки маъшуқааш “ё аз они ӯ мемонад, ё аз они ҳеҷ кас намешавад”.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube