Тоҷикдухтар зани боксчии машҳур шуд (Видио)

Видеои мулоқоти ошиқонаи муштзани маъруф Амир Хон ва қаҳрамони Инстаграм аз Тоҷикистон Гулбаҳор Бекназар дар Дубай ба яке аз пуртамошобинтарин видеоҳо дар Интернет табдил ёфтааст. Амир Хон тоза рӯзи ҷумъа аз ҳамсараш Фарёл Махдум ҷудо шуда буд.

Рӯзи 7 август як мавзӯи асосӣ дар матбуоти тафреҳии Бритониё видеои мулоқоти ошиқонаи як рӯз пеши муштзани маъруф Амир Хон бо зебосанами зодаи Тоҷикистон Гулбаҳор Бекназар дар Дубай буд. Расонаҳои англисӣ менависанд, ки ҳамагӣ ду рӯз баъд аз эълони ҷудоияш аз ҳамсари қаблии худ Фарёл Махдум дар чеҳраи Амир Хон дубора шодиву ханда ҳувайдо шуд ва он ҳам бо шарофати мулоқоти ошиқонааш бо духтари сиёҳмӯи тоҷик, ки зоҳиран ба Фарёл – ишқи қаблии Амир Хон хеле монанд ҳам ҳаст.

Гулбаҳор Бекназар, ки бо тахаллуси «Principessa Persiana” яке аз ситораҳои шабакаи Инстаграм ба шумор меравад, дар ин шабака як видеои кӯтоҳи ним дақиқаиро аз ин мулоқоташ бо Амир Хон нашр кардааст. Дар ин видео ҳарду дилдода ибтидо дар мошини такси оғӯш ба оғӯш дида мешаванд ва сипас дар як клуби шабонаи Дубай ҳамроҳ мерақсанд.

Гулбаҳор Муродӣ бо нашри ин видео мегӯяд, «ончӣ ки ман имрӯз дар Инстаграм нашр кардам, аз номи Амир буд ва инҷо ягон иштибоҳе нест.” Амир Хон низ бе ягон ибо Гулбаҳор Бекназарро «арӯси ман” («my girl”) ном мебарад.

Гулбаҳор Бекназар гимназияи Пӯлодовро дар Душанбе хатм карда, сипас дар Массачуссеттси Амрико таҳсил кардааст. Ҳоло ӯ дар Дубай кор мекунад ва худро ҳамчун ҳунарпеша, косметолог ва дар маҷмӯъ «мушовири зебоӣ” муаррифӣ мекунад. Гулбаҳор Бекназар дар клипҳои мусиқӣ ва филмҳои кӯтоҳ низ нақш меофарад ва мегӯяд, ки «бесаброна мунтазири рӯзе ҳастам, ки соҳиби ҷоизаи Оскар шавам.” Гулбаҳор Бекназар ҳамчунин бо 18500 пайрав ва бо тахаллуси «Principessa Persiana” яке аз ситораҳои шабакаи Инстаграм мебошад.

Амир Хон, ки волидонаш аз Панҷоби Покистонанд, соли 1986 дар шаҳри Болтони Англия ба дунё омадааст. Номи Амир Хон вақте шинохта шуд, ки ӯ соли 2004, дар Бозиҳои олимпии Афина дар синни ҳамагӣ 17-солагӣ дар сабқати бокс соҳиби ҷои дуюм шуд. Амир Хон ҳамин тавр, аз соли 2009 то 2012 қаҳрамони бокси ҷаҳон дар вазни миёна буд ва яке аз беҳтарин муштзанҳо дар таърихи бокси Бритониё ба шумор меравад.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube