Афзоиши боҷ барои кондитсионер ва қандил дар Тоҷикистон

Дар Тоҷикистон боҷ барои кондитсионер ва дастгоҳҳои равшанидиҳанда зиёд мешавад. Қарори дахлдор аз ҷониби Ҳукумати кишвар имзо шудааст.

Мувофиқи тағйироти қабулшуда, меъёри боҷи гумрукии воридотӣ аз 5 то 15 евро (барои як дона) барои баъзе намудҳои дастгоҳҳои кондитсионерӣ афзоиш меёбад. Ин, пеш аз ҳама, ба кондитсионерҳои деворӣ, шифтӣ ё фаршӣ, инчунин баъзе воҳидҳои саноатӣ бо назорати автоматии ҳарорат ва намӣ дахл дорад.

Меъёр барои баъзе қандилҳо ва дигар таҷҳизоти равшании барқӣ низ афзоиш меёбад. Барои ин категория боҷ аз 15 то 30 евро афзоиш меёбад.

Рӯйихат чароғҳои каммасраф ва маҳсулоти аз пластикӣ, сафолӣ, шиша ва дигар мавод сохташударо дар бар мегирад.

Тағйирот ба қарори Ҳукумати Тоҷикистон дар бораи тарифҳои нав аз 1-уми июли соли равон эътибор пайдо мекунад.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube