Бобоҷон Азизов – сароянда ва ҳунарпешаи театр (видео)

Бобоҷон Азизов, сароянда ва ҳунарпешаи театри тоҷик 26 июни соли 1950 ба дунё омадааст. Ӯ аз ҷумлаи маъруфтарин сарояндагони солҳои 80-90 садаи гузашта ва яке аз чеҳраҳои мондагори санъати тоҷик мебошад.

Бобоҷон Азизов пас аз хатми факултети забон ва адабиёти тоҷики Институти давлатии педагогии Кўлоб дар Хонаи маданияти шаҳри Кўлоб фаъолияти кориашро оғоз намудааст. Ҳамзамон солҳои (1976-89). сарояндаи Театри давлатии мазҳакаи мусиқии ш. Кўлоб ба номи С. Вализода ва аз соли 1989 роҳбари бадеии ансамбли «Навои Хатлон» буд.

Дар эҷоди суруду оҳангҳо сабки хоса дорад. Азизов маҳорати хуби актёрӣ низ дорад; дар як зумра намоишҳо нақшҳои асосиро бозидааст.

Бобоҷон Азиз 21 январи соли 2021 дар 70 – солагӣ даргузашт.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube