БОР барои рушди Тоҷикистон 1,1 миллиард доллар ҷалб мекунад
Президенти Бонки Осиёии Рушд Масато Канда, пас аз мулоқот бо Президенти Тоҷикистон Эмомалӣ Раҳмон эълон кард, ки бонк барои татбиқи Стратегияи нави шарикӣ барои солҳои 2026–2030 қариб 1,1 миллиард доллари ИМА ҷалб хоҳад кард.
Масато Канда таъкид намуд, ки маблағ барои дастгирии бахшҳои калидии иқтисодиёти Тоҷикистон, аз ҷумла рушди устувор, инфрасохтор, баланд бардоштани рақобатпазирии миллӣ, беҳтар намудани хизматрасониҳои иҷтимоӣ ва таъсиси ҷойҳои нави кор равона мешавад.
Ҳамчунин, Президенти Бонки Осиёии Рушд таъкид намуд, ки ҳамкории дуҷониба аз соли 1998 идома дорад ва ин сафари нахустини ӯ ба Тоҷикистон метавонад марҳилаи муҳими рушди ҳамкории минбаъда бошад.
Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube
Шарҳ