Ду ҳолати расонидани зарар аз ҳиссиёти авбошӣ
Ноболиғи 17-солаи шаҳри Душанбе бо корд ду маротиба ба пойи марди 19-сола задааст. Дар ин бора Вазорати корҳои дохилӣ хабар медиҳад.
Манбаъ иттилоъ медиҳад, ки “1-уми апрели соли 2023, тахминан соати 22:00, дар кӯчаи Испечаки шаҳри Душанбе ноболиғи 17-солаи сокини шаҳри мазкур аз ҳиссиёти авбошӣ бо ӯ ҷангу ҷанҷол намуда, бо корди дар дасташ буда ба рони пояш 2 маротиба задааст”.
Ба ин монанд, марди 55-солаи дигари шаҳри Душанбе ба таги манаҳи марди 46-сола бо олоти бурандаи алмос (лезва) задааст.
Гуфта мешавад, ки “1-уми апрели соли 2023, тахминан соати 19:10 дақиқа, дар кӯчаи М. Мастонгулови пойтахт, марди 55-солаи сокини шаҳри Душанбе аз ҳиссиёти авбошӣ бо ӯ ҷангу ҷанҷол намуда, бо олоти бурандаи алмос (лезва) ба таги манаҳаш задааст”.
Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube
Шарҳ