Интизориҳои мардум аз бозии Тоҷикистон дар муқобили Испания (Видео)

Дар давраи дуюми бозиҳои Ҷоми Ҷаҳон дар гурӯҳи Е дастаҳои мунтахаби футболбозони навраси Тоҷикистон бо ҳамсолони худ аз Испания рақобат хоҳанд кард.

Ин бозӣ рӯзи 31 октябр (рӯзи 1 ноябр соати 1.00 бо вақти Душанбе) дар варзишгоҳи Бразилия баргузор мешавад.

Дар бозии дигар дар гурӯҳи Е дастаҳои мунтахаби Аргентина ва Камерун қувваозомӣ мекунанд.

Зимнан, дастаи мунтахаби наврасони Тоҷикистон дар бозии аввал дастаи мунтахаби Камерунро бо ҳисоби 1 бар сифр мағлуб карда буд.

Сокинони Душанбе зимни суҳбат бо сомонаи Tajikistan Times ибрози умедворӣ карданд, ки футболбозони навраси тоҷик бар ин рақиби пурқуввати худ низ пирӯз хоҳанд шуд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube