Сабзалӣ Ҷаъфарзода: Нақшаи қабули барзиёд иҷро шуд

Соли 2026 нақшаи қабул ба муассисаҳои таҳсилоти касбӣ ва миёнаи касбӣ 74 ҳазору 510 ҷойро ташкил дод, ки нисбат ба соли 2025-ум 10 ҳазору 154 ҷой ё 15,78 дарсад зиёд аст.

Ба иттилои Сабзалӣ Ҷаъфарзода, директори Маркази миллии тестии назди Президенти Тоҷикистон, барои коллеҷҳо дар заминаи синфи 9-ум низ нақша 4719 ҷой ё 26,64 дарсад афзуд. 

Ба иттилои директори марказ, дар давраи якум, ки аз 2-юми март то 30-юми апрел идома ёфт, 116 ҳазору 568 довталаби дорои таҳсилоти миёнаи умумӣ, ибтидоӣ ва миёнаи касбӣ ба қайд гирифта шудаанд. Ин нишондиҳанда нисбат ба соли 2025-ум 28 ҳазору 802 нафар ё 32,82 дарсад зиёд буда, 107,98 дарсади нақшаи қабулро ташкил дод.

Дар заминаи синфи 9-ум 22 ҳазору 605 довталаб номнавис шуда,  нисбат ба соли гузашта 2908 нафар ё 14,76 дарсад зиёд аст.

Дар даври дуюми бақайдгирӣ аз 10 то 30-юми июн дар шаҳрҳои Душанбе, Хоруғ, Хуҷанд, Панҷакент, Бохтар, Кӯлоб ва ноҳияҳои Данғара ва Рашт 7755 довталаб дар заминаи синфи 11 ба қайд гирифта шудаанд. Аз ҳама бештар гурӯҳҳои ихтисосҳои 3-юм – филология, педагогика ва санъат ва 5-ум – тиб, биология ва варзиш интихоб гардидаанд.

Дар заминаи синфи 9-ум 2526 довталаб номнавис шудаанд, ки 1610 нафари онҳо гурӯҳи ихтисосҳои 5-умро интихоб кардаанд.

Дар заминаи синфи 11-ум 124 ҳазору 323 довталаб ба қайд гирифта шудаанд, ки 31 ҳазору 335 нафар бештар аз соли 2025 мебошанд. Ин шумора 115,16 дарсади нақшаи қабулро ташкил медиҳад. Дар заминаи синфи 9-ум шумораи умумӣ 25 ҳазору 131 нафарро ташкил дода, нисбат ба соли 2025-ум 3348 нафар афзудааст.

Зикр гардид, ки аз 11 то 13-уми август тақсимоти такрорӣ барои довталабони нокомгашта дар нуқтаҳои Маркази миллии тестӣ доир мегардад.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube