Шоире, ки шеъраш аз марзҳо гузашт (видео)

24 сентябр зодрӯзи шоири шинохтаи тоҷик Нуқра Суннатниё аст. Ӯ имсол 76-сола мешавад.

Нуқра Суннатниё 24 сентябри соли 1950 дар деҳаи Роғи ноҳияи Ванҷи Вилояти Мухтори Кӯҳистони Бадахшон ба дунё омадааст.

Маълумоти миёнаро дар Ванҷ гирифта, соли 1968 ба факултаи таърихи Донишгоҳи давлатии Тоҷикистон дохил шуда, соли 1973 онро хатм кардааст. Фаъолияти меҳнатиашро аз омӯзгорӣ оғоз намуда, солҳои баъдӣ дар вазифаҳои гуногуни ҷамъиятиву давлатӣ кор кардааст. Аз соли 1994 узви Иттифоқи нависандагони Тоҷикистон мебошад. Нуқра Суннатниё аз овони ҷавонӣ шеър менависад.

Маҷмуаҳои «Чашмаи Роғ», «Шогуна», «Сояи абр», «Нафаси хаёл» ва «Атри гули ёс» аз китобҳои маъруфи ӯ ҳастанд. Шеърҳои Нуқра Суннатниё ба забонҳои русӣ, ӯзбекӣ ва арабӣ тарҷума шуда, дар нашрияҳои Эрону Афғонистон низ ба табъ расидаанд. Барои маҷмуаи «Атри гули ёс» ӯ бо Ҷоизаи адабии ба номи Мирзо Турсунзода сарфароз гардидааст.

Нуқра Суннатниё аз бонувони шинохтаи шеъри муосири тоҷик аст, ки беш аз ним аср умри худро бо адабиёт, омӯзгорӣ ва фаъолияти ҷамъиятӣ пайванд додааст.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube