Паҳлавоне, ки таърихи олимпии Тоҷикистонро дигар кард

29 сентябр зодрӯзи паҳлавони маъруфи тоҷик Расул Боқиев аст.

Расул Боқиев 29 сентябри соли 1982 дар шаҳраки Сомониёни ноҳияи Рӯдакӣ ба дунё омадааст. Нозукиҳои гӯштини миллӣ ва ҷудоро аз падараш – Мураббии хизматнишондодаи варзиши Тоҷикистон Худойназар Боқиев омӯхтааст. Худи Расул гуфтааст, ки аз чорсолагӣ тамринро оғоз карда буд.

Нахустин муваффақияти бузурги ҷаҳонии ӯ соли 2007 ба даст омад. Расул Боқиев дар Чемпионати ҷаҳон оид ба ҷудо дар Рио-де-Жанейро дар вазни то 73 килограмм соҳиби медали биринҷӣ шуд.

Аммо муҳимтарин дастовардаш дар Бозиҳои олимпии Пекин-2008 рақам хӯрд. Ӯ дар вазни то 73 килограмм медали биринҷӣ гирифт. Кумитаи миллии олимпии Тоҷикистон ин медалро нахустин медали олимпии Ҷумҳурии Тоҷикистон ҳамчун давлати соҳибистиқлол медонад.

Боқиев баъдан низ дар мусобиқаҳои байналмилалӣ муваффақ буд: ғолиби чанд даври Ҷоми ҷаҳон гардид, дар чемпионатҳои Осиё медал гирифт ва дар Олимпиадаи Лондон-2012 мақоми ҳафтумро соҳиб шуд.

Барои дастоварди олимпӣ ӯ соли 2008 бо ордени «Шараф» дараҷаи I сарфароз гардид.

Пас аз анҷоми фаъолияти касбии варзишӣ Боқиев таҷрибаи худро ба насли ҷавон мегузаронад.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube