Боздошти се говдузди ноболиғ дар Данғара

Дафтари хадамоти матбуоти ВКД хабар медиҳад, ки дар ноҳияи Данғара се ноболиғ даст ба дуздӣ задаанд.

Ба иттилои манбаъ, шаби 20 ба 21-уми май шахсони номаълум бо роҳи пинҳонӣ аз назди манзили истиқоматии сокоини 34-солаи ноҳияи мазкур як сар говро дуздида, аз ҷои ҳодиса ғайб задаанд.

Гуфта мешавад, ки зарари расонидашуда 7 ҳазор сомониро ташкил медиҳад.

“Ҳангоми гузаронидани чорабиниҳои фаврӣ-ҷустуҷӯӣ аз ҷониби кормандони милитсия муайян карда шуд, ки ҷинояти мазкурро ноболиғони 17, 14 ва 13-сола, ки якеашон пеш бо моддаи 244-и Кодекси ҷиноятии Ҷумҳурии Тоҷикистон суд шудааст, сокинони ҳамин ноҳия содир намудаанд”,- омадааст дар хабар.

ВКД дигар тафсилоте надода, фақат навиштааст, ки аз рӯи ҳодисаи мазкур тафтишот идома дорад.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube