Зеленский: Русия пешниҳоди сулҳро рад мекунад

Владимир Зеленский, президенти Украина мегӯяд, ки Русия дар беш аз чаҳор соли гузашта борҳо муҳлатҳои таъйиншуда барои ишғоли минтақаҳои шарқии Украинаро ба таъхир андохта, ҳамаи пешниҳодҳои сулҳро рад кардааст.

Ӯ рӯзи 29-уми июн гуфт, ки Кремл дар ин муддат 15 амалиётро барои тасарруфи Донбасс пешбинӣ карда буд, аммо ҳар бор иҷрои он ба таъхир афтод. Ин изҳорот дар вокуниш ба суханони Владимир Путин садо дод, ки пешниҳоди Украина барои коҳиши танишҳо ва таваққуфи ҳамлаҳои дурбурдро рад карда буд.

Зеленский афзуд, ки раҳбарияти Русия аз вазъи дохилии худ, аз ҷумла камбуди сӯзишворӣ дур мондааст ва инро паёмади мустақими ҷанг номид. Ба гуфтаи ӯ, Маскав ҳамоно бар тасарруфи пурраи Донетск, Луганск, Запореже ва Херсон тамаркуз дорад, дар ҳоле ки неруҳои украинӣ ҳамлаҳои дурбурди худро идома медиҳанд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube