Аз таҳти дил бихандед!

Имтиҳон

Духтари зебое аз имтиҳон хурсанд баромада, ба ҳамсабақонаш мегӯяд:

— Натарсед, муаллим саволҳои душвор намедиҳад!

Ҳамкурсонаш ҳайрон шуда, мепурсанд:

— Ба ту чӣ савол дод?

— Рақами телефонамро пурсид, дуруст ҷавоб додам, баҳои 5 монд!

Масъала

Падар бо кӯдакаш вазифаи хонагӣ тайёр мекунад. Аз духтарча мепурсад:

— Рӯзи якум 5 истакон қулфинайро хӯрданду рӯзи дуюм 2 истакон камтар, рӯзи сеюм бошад, ба андозаи рӯзи якуму дуюм. Дар давоми се рӯз ҳамагӣ чӣ қадар қулфинай хӯрданд?

Духтарча масъаларо ҳал карда истода, зери лаб ғур-ғур мекунад.

Падар мепурсад:

— Чаро ғур-ғур мекунӣ?

Духтарак мегӯяд:

— Яку якбора ҳамон қулфинайро мехӯрданд, се рӯз кашол додан чӣ лозим буд?

Кокул

Марде духтарчаашро ба назди духтур мебарад:

— Духтур, намедонам духтарчаамон ба кадом беморӣ гирифтор шудааст, ки доимо даҳонаш то гӯшҳояш кушода аст.

Духтур баъди муоинаи духтарча:

— Кокулчаҳояшро сусттар бандед, ҳамааш хуб мешавад.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube